Ram Gopal Varma: శ్రీరెడ్డితో డేటింగ్ కు వెళ్లడంపై రామ్ గోపాల్ వర్మ కామెంట్!

డేటింగ్ అంటే డెఫినిషన్ ప్రకారం ఓ రెస్టారెంటుకో, ఇంకొక చోటుకో ఒకరితో కలిసి బయటకు వెళ్లడమని సినీ దర్శకుడు రామ్ గోపాల్ వర్మ తెలిపారు. తాను ఎప్పుడూ ఓ అమ్మాయితో కలిసి బయటకు వెళ్లనని చెప్పారు. తాను లోపలకే వెళ్తానని... సినీ నటి శ్రీరెడ్డితో అయినా సరే తాను డేటింగ్ కు వెళ్లనని తెలిపారు. ఓ యూట్యూబ్ ఛానల్ కు ఇచ్చిన ఇంటర్వ్యూలో ఆయన ఈ వ్యాఖ్యలు చేశారు. వర్మతో డేటింగ్ చేయాలని ఉందని ఇటీవల శ్రీరెడ్డి చెప్పిన సంగతి తెలిసిందే. ఇదే ప్రశ్నను సదరు యూట్యూబ్ ఛానల్ యాంకర్లు ప్రస్తావించగా ఆయన ఈ మేరకు స్పందించారు.

పెళ్లి విషయంపై ప్రశ్నించగా... ఈ మధ్యన తనను ఒకరు పెళ్లికి ఆహ్వానించారని... పెళ్లికి, అంత్యక్రియలకు తాను రానని చెప్పానని, ఇదే తన రూల్ అని వర్మ తెలిపారు. తన ఉద్దేశంలో ఈ రెండు ఒకటేనని... ఇక్కడ మనసు చచ్చిపోతుందని, అక్కడ మనిషి చచ్చిపోతాడని అన్నారు. ఒక్క శాతం తెలివి ఉన్నా పెళ్లి చేసుకోకూడదని... అనుభవంతో ఈ విషయం చెబుతున్నానని... తన మాట వినకపోతే ఆ తర్వాత మీ ఖర్మ అని చెప్పారు.