Nagarjuna: 'వైల్డ్ డాగ్' సెట్లో భారీ ఫైట్ చేస్తున్న నాగ్

కొంతకాలంగా నాగార్జునను సక్సెస్ లు పలకరించడం లేదు. దాంతో ఆయన కొత్తదనంతో కూడిన కాన్సెప్ట్ లపై దృష్టిపెట్టాడు. అలా ఆయన చేస్తున్న సినిమానే 'వైల్డ్ డాగ్'. అహిషోర్ సోలొమన్ దర్శకత్వం వహిస్తున్న ఈ సినిమాలో నాగార్జున ఎన్.ఐ.ఎ. ఆఫీసర్ గా కనిపించనున్నారు. నిరంజన్ రెడ్డి - అన్వేష్ రెడ్డి నిర్మిస్తున్న ఈ సినిమా, ప్రస్తుతం హైదరాబాద్ - రామోజీ ఫిల్మ్ సిటీలో షూటింగ్ జరుపుకుంటోంది.

ఇక్కడ వేసిన ప్రత్యేకమైన ఇంటి సెట్లో ఒక భారీ యాక్షన్ సీన్ ను చిత్రీకరిస్తున్నారు. ఈ యాక్షన్ సీన్లో నాగార్జునతో పాటు సయామీ ఖేర్ కూడా పాల్గొంటోంది. రెగ్యులర్ ఫైట్ సీన్స్ కి భిన్నంగా డిజైన్ చేసిన ఈ ఫైట్ సీన్, ఆడియన్స్ లో ఉత్కంఠను రేకెత్తించేదిగా ఉంటుందని అంటున్నారు. సీక్రెట్ ఆపరేషన్లో భాగంగా నాగ్ చేసే ఛేజింగ్స్ .. ఫైట్స్ చాలా ఇంట్రెస్టింగ్ గా ఉంటాయని చెబుతున్నారు.