Kerala: కేరళలో ఐదో తరగతి బాలుడి 'ఫుట్ బాల్ జీరో డిగ్రీ గోల్'... వీడియో ఇదిగో!

ఫుట్ బాల్ లో జీరో డిగ్రీ గోల్... కార్నర్ షాట్ ను తీసుకుని, బల్ ను తన్ని, దాన్ని నేరుగా గోల్ లోకి పంపడం. ఫుట్ బాల్ ఆటగాళ్లందరికీ, జీరో డిగ్రీ గోల్ ను సాధించాలన్నది ఓ డ్రీమ్ అని చెబుతుంటారు. అటువంటి డ్రీమ్ ను అత్యంత సునాయాసంగా సాధించాడో ఐదో తరగతి కుర్రాడు. ఈ ఘటనకు సంబంధించిన వీడియో ఒకటి ఇప్పుడు తెగ వైరల్ అవుతోంది.

కేరళలో జరిగిన కిడ్స్ ఫుట్ బాల్ పోటీల్లో భాగంగా దనిశ్ అనే కుర్రాడు ఈ ఫీట్ ను సాధించాడు. అతను కిక్ కొడుతున్న వీడియోను మ్యాచ్ చూస్తున్న ఒకతను వీడియో తీయగా, అదిప్పుడు వైరల్ అయింది. తన కుమారుడు గోల్ కొడుతున్న వీడియోను తీస్తారని, అది ఇంతగా వైరల్ అవుతుందని ఎంతమాత్రమూ అనుకోలేదని దనిశ్ తల్లి వ్యాఖ్యానించారు. ఆ వీడియోను మీరూ చూడవచ్చు.