Sabari Express: 'శబరి ఎక్స్ ప్రెస్' ఇక సికింద్రాబాద్ నుంచి... సమయం కూడా మార్పు!

హైదరాబాద్ నుంచి కేరళలోని తిరువనంతపురం నగరానికి రోజూ నడిచే శబరి ఎక్స్ ప్రెస్ ఇక నుంచి సికింద్రాబాద్ నుంచే బయలుదేరుతుంది. రిటర్న్ వచ్చే రైలు గమ్యస్థానం కూడా సికింద్రాబాద్ మాత్రమే. ఈ మార్పు 27వ తేదీ నుంచి అమలులోకి వస్తుందని దక్షిణ మధ్య రైల్వే ప్రకటించింది. ఇదే సమయంలో రైలు సమయాన్ని కూడా మారుస్తున్నట్టు తెలిపింది. సికింద్రాబాద్ లో మధ్యాహ్నం 12.20కి బయలుదేరి, నల్గొండకు 2 గంటలకు, గుంటూరుకు 5 గంటలకు చేరుతుందని అధికారులు తెలిపారు. ఇదే విధంగా తిరువనంతపురంలో ఉదయం 7 గంటలకు బయలుదేరే రైలు, మరుసటి రోజు మధ్యాహ్నం 12.10కి సికింద్రాబాద్ చేరుతుందని, ప్రయాణికులు ఈ మార్పును గమనించాలని కోరారు.