Hyderabad: ప్రపంచ క్రియాశీల నగరాల్లో హైదరాబాద్ నెంబర్ వన్

వందల ఏళ్ల సుదీర్ఘ చరిత్ర ఉన్న హైదరాబాద్ నగరం ప్రపంచ క్రియాశీల నగరాల జాబితాలో అగ్రస్థానంలో నిలిచింది. బెంగళూరును అధిగమించిన భాగ్యనగరం విశిష్ట ఘనత అందుకుంది. 2020కి గాను మోస్ట్ డైనమిక్ సిటీగా హైదరాబాద్ నిలిచిందని ఓ స్థిరాస్తి అధ్యయన సంస్థ వెల్లడించింది. ఈ మేరకు సిటీ మూమెంటం ఇండెక్స్-2020ని తెలంగాణ మంత్రి కేటీఆర్ విడుదల చేశారు. ప్రపంచంలోని 130 నగరాలపై సదరు స్థిరాస్తి అధ్యయన సంస్థ సర్వే నిర్వహించింది. ఈ జాబితాలో భారత్ నుంచి ఐదో స్థానంలో చెన్నై, ఏడో స్థానంలో ఢిల్లీ, 12వ స్థానంలో పుణే ఉన్నాయి. కోల్ కతా 16వ స్థానంలో ఉండగా, ముంబయి 20వ స్థానంలో నిలిచింది.