Raviteja: విభిన్నంగా వుంటే విలన్ పాత్రలకి ఓకే: హీరో రవితేజ

పాత్ర ఏదైనా తనదైన మేనరిజమ్స్ తో ప్రేక్షకులను హుషారెత్తించడం రవితేజ ప్రత్యేకత. అలాంటి రవితేజ తాజా చిత్రంగా రూపొందిన 'డిస్కోరాజా' ఈ నెల 24వ తేదీన ప్రేక్షకుల ముందుకు రానుంది. ఈ నేపథ్యంలో ఈ సినిమా ప్రమోషన్స్ ఊపందుకున్నాయి.

తాజా ఇంటర్వ్యూలో రవితేజ మాట్లాడుతూ .. "గతంలో నేను చేసిన పాత్రలకి ఈ పాత్ర పూర్తి భిన్నంగా ఉంటుంది. కథాకథనాలు .. దర్శకుడు వీఐ ఆనంద్ టేకింగ్ ప్రతి ఒక్కరికి నచ్చుతాయి. మారిన ప్రేక్షకుల అభిరుచికి తగినట్టుగా ఈ సినిమా ఉంటుంది. కాన్సెప్ట్ లోను .. పాత్రల్లోను కొత్తదనం వుంటే ప్రేక్షకులు తప్పకుండా ఆదరిస్తున్నారు. అలాంటి ప్రేక్షకుల కోసం విలన్ గా కనిపించడానికి కూడా నేను సిద్ధమే. అయితే ఆ విలనిజం కొత్తగా ఉండాలి .. విభిన్నంగా ఉండాలి. అలాంటి విలన్ పాత్రలు వస్తే తప్పకుండా చేస్తాను" అన్నారు. 'డిస్కోరాజా'లో రవితేజ సరసన నాయికలుగా నభా నటేశ్ .. పాయల్ .. తాన్యా హోప్ సందడి చేయనున్నారు.