Pakistan: పంజాబ్ లోకి డ్రోన్ లను పంపిన పాక్.. తీవ్ర కలకలం...హై అలర్ట్

భారత్, పాక్ సరిహద్దుల్లోని పంజాబ్ రాష్ట్రంలోని ఫిరోజ్ పూర్ లో పాకిస్థాన్ కు చెందిన డ్రోన్ కదలికలు భారత భద్రతా బలగాల్లో కంటిమీద కునుకు లేకుండా చేశాయి. నిన్న రాత్రి 8.40 గంటలకు ఈ డ్రోన్ ఉనికిని బీఎస్ఎఫ్ బలగాలు గుర్తించాయి.  సరిహద్దు గ్రామమైన టెండీవాల గ్రామం వద్ద డ్రోన్ ఉనికిని జవాన్లు పసికట్టారు.

సుమారు నాలుగు నుంచి  ఐదు నిమిషాలపాటు గ్రామంలో ఈ డ్రోన్ ఎగిరినట్లు నిర్ధారించారు. దాన్ని కూల్చేందుకు బీఎస్ఎఫ్ జవాన్లు సిద్ధమయ్యేలోపే డ్రోన్ మళ్లీ పాక్ భూభాగంలోకి వెళ్లిపోయిందని సమాచారం. ఈ  నేపథ్యంలో సరిహద్దుల్లో హై అలర్ట్ ప్రకటించారు. ఈ డ్రోన్ ఎక్కడనుంచి వచ్చింది? ఎవరు పంపించారు? అనే అంశాలపై బీఎస్ఎఫ్ బలగాలు దర్యాప్తు ప్రారంభించాయి.