Vikarabad District: భార్య కొడుతోందని పోలీసులను ఆశ్రయించిన భర్త
- వికారాబాద్‌ జిల్లా బషీరాబాద్‌ మండలం జీవన్గీలో ఘటన
- భార్య చేతిలో తన్నులు తినకలేక పోలీసులకు ఫిర్యాదు
- ఆమెతో మాట్లాడతామని నచ్చజెప్పిన ఎస్సై
భర్త కొడుతున్నాడంటూ పోలీసులను భార్య ఆశ్రయించడం గురించి చాలా సార్లు విన్నాం. అయితే, భార్య కొడుతోందని ఓ అమాయక భర్త పోలీసులను ఆశ్రయించాడు. భార్య చేతిలో ఇక తన్నులు తినలేనంటూ, తనను రక్షించాలంటూ పోలీసులను వేడుకున్నాడు. ఆయన చేసిన ఫిర్యాదు పట్ల పోలీసులు కూడా ఆశ్చర్యం వ్యక్తం చేశారు.
వికారాబాద్‌ జిల్లా బషీరాబాద్‌ మండలం జీవన్గీలో ఈ ఘటన చోటు చేసుకుంది. షాదుల్లా అనే వ్యక్తి బషీరాబాద్‌ పోలీస్ స్టేషన్‌కు వచ్చి ఎస్సైకి తన బాధ చెప్పుకున్నాడు. ఇంట్లో భార్య చేతిలో ఆయన అనుభవిస్తోన్న కష్టాలను తెలుసుకున్న ఎస్సై.. ఆమెతో మాట్లాడి కాపురాన్ని చక్కదిద్దుతామని షాదుల్లాకు నచ్చజెప్పారు.
