Thamanna: సినిమా కబుర్లు.. సంక్షిప్త సమాచారం
- ఖాళీగా ఏమీ లేనంటున్న తమన్నా
- ప్రభాస్ షూటింగ్ మరోసారి వాయిదా
- మహేశ్ సినిమాకి ఉక్రెయిన్ లో క్రేజ్
* తాను పనిలేక ఖాళీగా వున్నట్టు జరుగుతున్న ప్రచారాన్ని అందాలభామ తమన్నా ఖండించింది. తానేమీ ఖాళీగా లేననీ, ఏడాదిలో ప్రతి రోజూ బిజీగానే వున్నానని పేర్కొంది. తెలుగులో కాకపోయినా ఏదో ఒక భాషలో నటిస్తూనే వున్నానని చెప్పింది.
* ప్రభాస్ హీరోగా రాధాకృష్ణ దర్శకత్వంలో రూపొందుతున్న 'జాన్' చిత్రం తాజా షెడ్యూలు మరోసారి వాయిదా పడింది. వాస్తవానికి ఈ నెల మొదటి వారంలో ఈ షూటింగ్ మొదలవ్వాలి. అయితే, తాజా సమాచారం ప్రకారం, ఈ నెల 17 నుంచి అన్నపూర్ణా స్టూడియోలో ప్రత్యేకంగా వేసిన సెట్స్ లో నిర్వహిస్తారట.
* అనిల్ రావిపూడి దర్శకత్వంలో మహేశ్ బాబు నటించిన 'సరిలేరు నీకెవ్వరు' చిత్రానికి మన తెలుగు రాష్ట్రాలలోనే కాకుండా విదేశాలలో కూడా ఎంతో క్రేజ్ ఏర్పడింది. ఈ క్రమంలో ఉక్రెయిన్ లో ఈ చిత్రం టిక్కెట్ల అడ్వాన్స్ బుకింగ్ అప్పుడే పూర్తయినట్టు నిర్మాత అనిల్ సుంకర ప్రకటించారు. పదిరోజుల ముందుగానే ఉక్రెయిన్ లో మూడు లోకేషన్లలో అడ్వాన్స్ బుకింగ్ క్లోజ్ అయిందంటూ ఆయన పేర్కొన్నారు. 
