Shriya: సినిమా కబుర్లు.. సంక్షిప్త సమాచారం 

  *  కొన్నాళ్ల గ్యాప్ తర్వాత కథానాయిక శ్రియ తాజాగా ఓ బాలీవుడ్ సినిమాలో నటించింది. 'సబ్ ఖుషల్ మంగళ' అనే హిందీ సినిమాలో అక్షయ్ ఖన్నా సరసన ఓ పాటలో నటించడానికి ఇటీవల ఈ ముద్దుగుమ్మ ముంబై వచ్చింది. తన బాయ్ ఫ్రెండ్ ఆండ్రియాను వివాహమాడిన తర్వాత శ్రియ అతనితో కలసి అప్పటి నుంచీ బార్సెలోనాలో ఉంటోంది. ఈ చిత్ర నిర్మాత తనకు స్నేహితుడు కావడం వల్ల ఈ పాటలో నటించానని శ్రియ చెప్పింది.

*  'రూలర్' తర్వాత బాలకృష్ణ తన తాజా చిత్రాన్ని బోయపాటి శ్రీను దర్శకత్వంలో చేస్తున్న సంగతి విదితమే. ఇటీవలే ఈ చిత్రం షూటింగును లాంఛనంగా ప్రారంభించారు. ఇక రెగ్యులర్ షూటింగును వచ్చే నెల 3 నుంచి నిర్వహిస్తారు. ఏప్రిల్ నెలాఖరు వరకు నిర్విరామంగా జరిగే షూటింగుతో దీనిని పూర్తిచేస్తారు.

*  రవితేజ తన తదుపరి చిత్రానికి ఓకే చెప్పాడు. గతంలో 'సినిమా చూపిస్త మావా', 'నేను లోకల్' చిత్రాలను రూపొందించిన త్రినాథరావు నక్కిన దీనికి దర్శకత్వం వహిస్తాడు. కామెడీ ఎంటర్ టైనర్ కథతో ఇది తెరకెక్కనుంది.