Time: డొనాల్డ్ ట్రంప్ కు దిమ్మతిరిగే సమాధానం ఇచ్చిన గ్రెటా థన్ బర్గ్!

అమెరికా అధ్యక్షుడు డొనాల్డ్‌ ట్రంప్‌ మరోసారి నోరు పారేసుకోగా, యువ పర్యావరణ కార్యకర్త గ్రెటా థన్ బర్గ్ దిమ్మతిరిగే సమాధానం ఇచ్చారు. ఇటీవల గ్రెటాను 'టైమ్‌' మేగజైన్, 2019 సంవత్సరానికిగాను 'పర్సన్‌ ఆఫ్‌ ది ఇయర్‌'గా ప్రకటించిన సంగతి తెలిసిందే. దీనిపై ట్రంప్ తనలోని అక్కసును ప్రదర్శిస్తూ, ఓ ట్వీట్ పెట్టారు. టైమ్ పత్రిక తెలివి తక్కువ నిర్ణయం తీసుకుందని మండిపడ్డారు.

ఆపై గ్రెటా తన కోపాన్ని కంట్రోల్ లో ఉంచుకోవడం ఎలాగన్న విషయమై దృష్టిని సారించాలని సూచించాడు. తన స్నేహితునితో కలిసి ఓ మంచి సినిమాకు వెళ్లాలని చెబుతూ 'చిల్ గ్రెటా చిల్!' అని ట్వీట్ చేశారు.
ఇక దీన్ని చూసిన గ్రెటా, వెంటనే స్పందించారు. ట్విట్టర్ లో తన బయోడేటాను మార్చేశారు. ప్రస్తుతం తాను కోపాన్ని కంట్రోల్ లో ఉంచుకోవడంపై దృష్టి సారించిన టీనేజర్ నని, ప్రస్తుతం ఒక ఫ్రెండ్‌ తో కలిసి సినిమా చూస్తూ ఆనందిస్తున్నానని వ్యాఖ్యానించారు. ట్రంప్ కు రిటార్డ్ ఇచ్చిన గ్రెటాను ఉద్దేశించి, చక్కగా స్పందించావంటూ పలువురు నెటిజన్లు అభినందిస్తున్నారు.