Chatanpalli: ఎన్ కౌంటర్ ప్రదేశం మీదుగా బస్సులో వెళుతూ... కాలేజీ అమ్మాయిల కేరింతలు... వీడియో ఇదిగో!

అది శంషాబాద్ కు సమీపంలోని అవుటర్ రింగ్ రోడ్డు వద్ద జాతీయ రహదారిపై ఉన్న చటాన్ పల్లి వద్ద అండర్ పాస్ బ్రిడ్జ్. అక్కడే దిశను దారుణాతి దారుణంగా హత్య చేశారు నలుగురు నిందితులు. ఈ ఘటన జరిగి సరిగ్గా నేటికి 10 రోజులు. నలుగురు నిందితులూ ఈ ఉదయం ఎన్ కౌంటర్ లో హతులయ్యారు. ఈ విషయం తెలుసుకున్న వారంతా పోలీసుల చర్యను సమర్ధిస్తున్నారు.

ఇక ఎన్ కౌంటర్ ప్రాంతం జనసంద్రంగా మారింది. జాతీయ రహదారిపై ట్రాఫిక్ జామ్ అయింది. పోలీసులు, వాహనాల రాకపోకలను నియంత్రిస్తున్న వేళ, ఓ కాలేజీకి వెళుతున్న అమ్మాయిల బస్సులో నుంచి వినిపిస్తున్న కేరింతల వీడియో వైరల్ అవుతోంది. ఎన్ కౌంటర్ లో దిశను చంపేసిన వారంతా మరణించారని తెలుసుకున్న అమ్మాయిలు, తమలోని ఆనందాన్ని కేకలు, కేరింతలతో బయటకు చూపించారు. ఆ వీడియోను మీరూ చూడవచ్చు.