Telangana: 'దిశ' నిందితుడు మహ్మద్ పై వ్యాఖ్యలు.. బీజేపీ ఎమ్మెల్యే రాజాసింగ్ పై కేసు నమోదు

తెలంగాణ బీజేపీ ఎమ్మెల్యే రాజాసింగ్ పై పోలీస్ కేసు నమోదైంది. దిశ అత్యాచారం కేసులో మహ్మద్ ను ఉరితీయాలంటూ ఆయన చేసిన వ్యాఖ్యలు ఒక మతాన్ని అవమానించేలా ఉన్నాయన్న ఆరోపణల నేపథ్యంలో ఈ కేసు నమోదైంది. తమ మతాన్ని కించపరిచారని ఆరోపిస్తూ బహదూర్ పురా పోలీస్ స్టేషన్ లో మహమ్మద్ నవాజుద్దీన్ అనే వ్యక్తి ఈ మేరకు ఫిర్యాదు చేశాడు. 295ఏ సెక్షన్ కింద రాజాసింగ్ పై పోలీసులు కేసు నమోదు చేశారు. కాగా, దిశ కేసు నిందితుల్లో ఒకరైన మహ్మద్ ఆరిఫ్ ను ఉద్దేశించి రాజాసింగ్ ఈ వ్యాఖ్యలు చేశారు.