Hyderabad: సంచలన విషయాలు వెలుగులోకి.. పక్కా ప్లాన్ తో ప్రియాంకారెడ్డిపై అత్యాచారం.. స్కూటీ టైర్ ను కావాలనే పంక్చర్ చేసిన నిందితులు

పశు వైద్యాధికారిణి  ప్రియాంకారెడ్డి హత్యాచారం ఘటనలో సంచలన విషయాలు వెలుగులోకి వస్తున్నాయి. నలుగురు నిందితులను అదుపులోకి తీసుకుని పోలీసులు విచారిస్తోన్న విషయం తెలిసిందే. వారంతా పక్కా ప్రణాళిక ప్రకారమే ఆమెను అపహరించి, ఈ దారుణానికి ఒడిగట్టారని తెలిసింది. ప్రియాంకారెడ్డి స్కూటీని నిందితులు ఉద్దేశపూర్వకంగానే పంక్చర్‌ చేసి ఆమెపై అత్యాచారానికి పాల్పడ్డారని సమాచారం.

టోల్ గేట్ వద్ద ప్రియాంకారెడ్డి తన బైక్ ను పార్క్ చేసి ఎక్కడికో వెళ్లింది. ఈ విషయాన్ని నిందితులు గమనించారు. ఆమె తిరిగిరాక ముందే ఆ స్కూటీ టైర్ ను నిందితులు పంక్చర్ చేశారు. అనంతరం ఆమె వచ్చి, స్కూటీ టైర్ పంక్చర్ అయిందని, ఇంటికి ఎలా వెళ్లాలని కంగారు పడింది. ఆ సమయంలో అక్కడకు వచ్చి, సాయం చేస్తున్నట్లు నటించిన నిందితులు ఆమెను కిడ్నాప్ చేశారు. పక్కా ప్రణాళిక ప్రకారమే ఆమెపై ఘాతుకానికి పాల్పడ్డారని తెలిసింది.