ap7am logo

స్నేక్ విలేజ్ లో సంబరాలు

Wed, Feb 13, 2013, 02:45 PM
పాము కనిపిస్తే చాలు.. 'అమ్మో పాము పాము' అని అరుస్తూ పరుగులు తీస్తాం. అదెక్కడ కాటేస్తుందేమోనని భయం. కానీ, పాములంటే అక్కడ బెదరరు. పాములను ప్రేమిస్తారు. ఇష్టంగా భుజిస్తారు. కోళ్ల పెంపకం, కుందేళ్ల పెంపకంలా.. నిర్భయంగా పాములను పెంచుకుంటుంటారు. 

ఈ పాములూరును చూడాలంటే చైనాలోని షాంఘైకు సమీపంలో ఉన్న జెజియాంగ్ ప్రాంతానికి వెళ్లాల్సిందే. అక్కడున్న 'జిసికియావో' అనే చిన్న గ్రామమే మనం చెప్పుకునే పాములూరు. ఈ గ్రామస్థులకు ఆకలి తీర్చేది పాములే. నాలుగు రూపాయలు సంపాదించి పెట్టేది పాములే!

అదెలా అంటే.. చైనీయులు పాములతో చేసిన వంటకాలను ఇష్టపడతారు. రెస్టారెంట్లలో రకరకాల పాములకు ఎంతో డిమాండ్ ఉంటుంది. అంతేకాదు అక్కడి సంప్రదాయ ఔషధాలలోనూ పాములకు డిమాండ్. దీంతో ఈ గ్రామం వారు పాములను పెంచుతూ విక్రయిస్తూ ఉంటారు. వీరికిదే ప్రధాన జీవనోపాధి. 
ఇక్కడ ఏ ఇంటికి వెళ్లి చూసినా 'బుస్ బుస్' మంటూ పాముల సందడి కనిపిస్తూ ఉంటుంది. 800 మంది పాముల పెంపకంపైనే ఆధారపడి జీవిస్తున్నారు. ఒకప్పుడు చేపల పెంపకం చేసుకుంటూ పొట్టపోసుకున్న ఈ గ్రామవాసులు ఆదాయం సరిపోక మూడు దశాబ్దాల క్రితం పాముల పెంపకాన్ని మొదలుపెట్టారు. నేడు చేతినిండా సంపాదిస్తున్నారు. 

చైనీయులకు రెండు రోజుల క్రితమే నూతన సంవత్సరం ప్రారంభం అయ్యింది. రాశి చక్రం ప్రకారం ఈ సంవత్సరానికి నీరు, పాము అధిదేవతలని చైనీయులు భావిస్తారు. అసలే పాములను నమ్ముకుని బతుకుతున్నారు. పైగా ఈ సంవత్సరం పాములకు ప్రత్యేకం కావడంతో జిసికియావో గ్రామస్థుల సంబరాలు అంబరాన్నంటాయి.
Tags:
X

Feedback Form

I agree to Terms of Service & Privacy Policy
Do you hate Fake News, Misleading Titles, Cooked up Stories and Cheap Analyses?...
We are here for YOU: Team ap7am.com
GarudaVega Banner Ad