Sundeep Kishan: యంగ్ హీరో సినిమా కోసం భారీ స్టేడియం అద్దెకి తీసుకున్నారట!

తెలుగులో సందీప్ కిషన్ యువ కథానాయకులతో పోటీపడుతూ ముందుకు వెళుతున్నాడు. ఒక సినిమాకి .. మరో సినిమాకి ఎలాంటి పోలిక లేకుండా జాగ్రత్తలు తీసుకుంటున్నాడు. తాజాగా ఆయన చేసిన 'తెనాలి రామకృష్ణ బీఏబీఎల్' ఈ నెల 15వ తేదీన విడుదల కానుంది. ఈ సినిమా తరువాత ఆయన 'A1 ఎక్స్ ప్రెస్' చేయనున్నాడు.

డెన్నీస్ జీవన్ దర్శకత్వం వహించనున్న ఈ సినిమాలో, సందీప్ కిషన్ హాకీ ప్లేయర్ గా కనిపించనున్నాడు. కథానాయిక అయిన లావణ్య త్రిపాఠి కూడా హాకీ ప్లేయర్ పాత్రనే చేస్తోంది. త్వరలో ఈ సినిమా రెగ్యులర్ షూటింగుకి వెళ్లనుంది. ఈ షూటింగ్ కోసం హైదరాబాద్ లోని ఒక పెద్ద స్టేడియం అద్దెకి తీసుకున్నారట. హాకీ నేపథ్యంలో వచ్చే సన్నివేశాలన్నింటినీ ఇక్కడే చిత్రీకరించనున్నారని సమాచారం. ఆ తరువాతనే ఇతర సన్నివేశాల కోసం వేరే లొకేషన్స్ కి వెళతారట. స్పోర్ట్స్ నేపథ్యంలో సాగే ఈ సినిమాపై సందీప్ కిషన్ కాన్ఫిడెంట్ గా వున్నాడు.