Mammootty: తెలుగు ప్రేక్షకుల ముందుకు మలయాళ హిట్ మూవీ

మలయాళంలోనే కాదు .. ఇతర భాషల్లోను 'మన్యం పులి'కి మంచి ఆదరణ లభించింది. మోహన్ లాల్ కెరియర్లో చెప్పుకోదగిన చిత్రాల జాబితాలో ఒకటిగా ఆ సినిమా నిలిచింది. అలాంటి ఆ సినిమాను తెరకెక్కించిన దర్శకుడే, మమ్ముట్టి కథానాయకుడిగా 'మధుర రాజా' సినిమాను రూపొందించాడు. ఈ ఏడాది ఏప్రిల్లో మలయాళంలో విడుదలైన ఈ సినిమా భారీ విజయాన్ని సొంతం చేసుకుంది.

అలాంటి ఈ సినిమాను తెలుగులో విడుదల చేయడానికి సన్నాహాలు చేస్తున్నారు. తెలుగులో 'రాజా నరసింహా' అనే టైటిల్ ను ఖరారు చేశారు. తెలుగు వెర్షన్ కి సంబంధించిన సెన్సార్ కార్యక్రమాలు పూర్తయ్యాయి. సెన్సార్ బోర్డువారు ఈ సినిమాకి U/A సర్టిఫికెట్ ను మంజూరు చేశారు. ముమ్ముట్టి సరసన కథానాయికగా అనుశ్రీ నటించిన ఈ సినిమాలో, జగపతిబాబు .. 'జై' ముఖ్యమైన పాత్రలను పోషించారు. ఈ నెల 22వ తేదీన ఈ సినిమాను ఇక్కడ విడుదల చేయనున్నారు. ఇక్కడ ఈ సినిమా ఎలాంటి ఫలితాన్ని రాబడుతుందో చూడాలి మరి.