క్యాబిన్ లో ఇరుక్కుపోయి తీవ్రంగా గాయపడిన లోకోపైలెట్ ను కాపాడిన రైల్వే శాఖ!

Mon, Nov 11, 2019, 07:19 PM
  • కాచిగూడ రైల్వే స్టేషన్ లో ప్రమాదం
  • ఆగివున్న రైలును ఢీకొన్న ఎంఎంటీఎస్
  • క్యాబిన్ లో చిక్కుకుపోయిన ఎంఎంటీఎస్ డ్రైవర్
హైదరాబాద్ లోని కాచిగూడలో రెండు రైళ్లు ఢీకొన్న ఘటనలో ఓ లోకోపైలెట్ క్యాబిన్ లో ఇరుక్కుపోయి ఎనిమిది గంటల పాటు నరకయాతన అనుభవించాడు. అత్యంత ప్రయాసతో అతడిని రైల్వేశాఖ అధికారులు కాపాడారు. గ్యాస్ కట్టర్ల సాయంతో క్యాబిన్ ముందు భాగాన్ని కొద్ది కొద్దిగా తొలగిస్తూ ఆ డ్రైవర్ ను బయటికి తీసుకొచ్చారు.

కాచిగూడ రైల్వేస్టేషన్ లో ఆగివున్న హంద్రీ నీవా ఎక్స్ ప్రెస్ రైలును ఫలక్ నుమా నుంచి సికింద్రాబాద్ వెళుతున్న ఎంఎంటీఎస్ రైలు బలంగా ఢీకొనడంతో ప్రమాదం జరిగింది. ఈ ఘటనలో దాదాపు 30 మంది ప్రమాణికులు గాయపడ్డారు. ఎంఎంటీఎస్ క్యాబిన్ ముందు భాగం నుజ్జునుజ్జయిపోవడంతో లోకోపైలెట్ అందులోనే చిక్కుకుపోయాడు. బయటికి వచ్చే మార్గంలేక విలవిల్లాడిపోయాడు. తీవ్రంగా శ్రమించిన అధికారులు ఎట్టకేలకు అతడిని బయటికి తీసుకువచ్చి కేర్ ఆసుపత్రికి తరలించారు.
X

Feedback Form

I agree to Terms of Service & Privacy Policy
Do you hate Fake News, Misleading Titles, Cooked up Stories and Cheap Analyses?...
We are here for YOU: Team ap7am.com
GarudaVega Banner Ad
Aha
Latest Video News..
Advertisement