Hollywood: హాలీవుడ్ సినిమాకు డబ్బింగ్ చెబుతున్న మహేశ్ బాబు కుమార్తె

టాలీవుడ్ అగ్రశ్రేణి కథానాయకుడు మహేశ్ బాబు కుమార్తె సితార ఓ హాలీవుడ్ సినిమా కోసం తన గొంతు అరువు ఇస్తోంది. సుప్రసిద్ధ వాల్ట్ డిస్నీ సంస్థ నుంచి వస్తున్న ఫ్రోజెన్-2 అనే చిత్రంలో ఎల్సా అనే పాత్రకు సితార డబ్బింగ్ చెబుతోంది. ఎల్సా చిన్నప్పటి పాత్రకు సితార గొంతుక ఇస్తోందని వాల్ట్ డిస్నీ ఇండియా విభాగం ప్రకటించింది. ఈ చిత్రం నవంబరు 22న రిలీజ్ అవుతోంది.

గతంలో వచ్చిన ఫ్రోజెన్ విజయవంతం కావడంతో దానికి సీక్వెల్ గా ఫ్రోజెన్-2 తెరకెక్కించారు. కాగా, ఎల్సా పెద్దయ్యాక పాత్రకు నటి నిత్యా మీనన్ డబ్బింగ్ చెబుతోంది. ఒకప్పుడు ఇంగ్లీషు చిత్రాలకు సాధారణ ఆర్టిస్టులతోనే డబ్బింగ్ చెప్పించేవాళ్లు. ఇటీవల కొంతకాలంగా ప్రముఖ సినీ నటులే హాలీవుడ్ సినిమా పాత్రలకు గొంతుక అరువిస్తున్నారు.