ap7am logo

డబ్బు కోసం నేను ఎప్పుడూ ఆశపడలేదు: 'షావుకారు' జానకి

Sat, Nov 09, 2019, 01:58 PM
  • కృష్ణకుమారి చాలా అందంగా ఉండేది
  • స్టార్ డమ్ ఉండగానే పెళ్లిచేసుకుంది  
  • నాకు ముందుచూపు ఎక్కువన్న 'షావుకారు' జానకి
తెలుగు తెరకి 'షావుకారు' సినిమాతో జానకి పరిచయమైంది. ఆ సినిమా నుంచి 'షావుకారు' అనేది ఆమె ఇంటిపేరుగా మారిపోయింది. అలాంటి 'షావుకారు' జానకి తాజా ఇంటర్వ్యూలో మాట్లాడుతూ, "నా చెల్లెలు కృష్ణకుమారి చిన్నప్పటి నుంచి చాలా అందంగా ఉండేది. సినిమాలతో బిజీగా వున్నప్పుడే పెళ్లి చేసుకుని వెళ్లిపోయింది. ఆ విషయమే అప్పట్లో నాకు చాలా బాధను కలిగించేది.

నేను మాత్రం నిలకడగా కొంతకాలం పాటు చిత్రపరిశ్రమలోనే ఉండాలని భావించాను. ఎందుకంటే నా బ్రతుకు తెరువు కోసం .. నా పిల్లల భవిష్యత్తు కోసం. ఈ అవసరాలు వున్నాయి కదా అని నేను డబ్బు కోసం ఎప్పుడూ ఆశపడలేదు. డబ్బు కోసం ఏ పాత్రను పడితే ఆ పాత్రను ఒప్పుకోలేదు. నాకు ముందుచూపు ఎక్కువ .. అందువల్లనే మంచి పాత్రలు మాత్రమే చేశాను. అవే నాకు ఎన్టీఆర్ .. ఏఎన్నార్ .. జగ్గయ్య వంటి వారి సరసన చేసే అవకాశాలను ఇచ్చాయి .. ఆర్ధికంగా నిలదొక్కుకునేలా చేశాయి" అని చెప్పుకొచ్చారు.
X

Feedback Form

I agree to Terms of Service & Privacy Policy
Do you hate Fake News, Misleading Titles, Cooked up Stories and Cheap Analyses?...
We are here for YOU: Team ap7am.com
GarudaVega Banner Ad