Yediyurappa: నా నియోజకవర్గానికి నేను రూ.700 కోట్లు అడిగితే, యడియూరప్ప రూ. 1000 కోట్లు ఇచ్చారు: కాంగ్రెస్ ఎమ్మెల్యే నారాయణగౌడ

తన నియోజకవర్గం కృష్ణరాజపేట అభివృద్ధి కోసం ముఖ్యమంత్రి యడియూరప్ప రూ. 1000 కోట్లు ఇచ్చారని అనర్హత వేటు పడ్డ జేడీఎస్ ఎమ్మెల్యే నారాయణగౌడ తెలిపారు.

'ఒక రోజు తెల్లవారుజామున నా వద్దకు వచ్చిన కొందరు వ్యక్తులు ఉదయం 5 గంటలకు యడియూరప్ప నివాసానికి తీసుకెళ్లారు. ఆ సమయంలో యడియూరప్ప పూజలో ఉన్నారు. నన్ను కూర్చోమని చెప్పి, ఆ తర్వాత నాతో మాట్లాడారు. తనకు మద్దతు పలకాలని, మరోసారి ముఖ్యమంత్రిని అవుతానని చెప్పారు.

దాంతో నా నియోజకవర్గ అభివృద్ధి కోసం రూ. 700 కోట్లు ఇవ్వాలని నేను అడిగాను. రూ. 1000 కోట్లు ఇస్తానని ఆయన చెప్పారు. ఆ తర్వాత ఆ నిధులను ఆయన కేటాయించారు. అలాంటి గొప్ప వ్యక్తికి నేను మద్దతివ్వకూడదా? యడియూరప్ప మాటలను విన్న తర్వాత అనర్హత వేటు పడినా పర్వాలేదనిపించింది' అని నారాయణగౌడ తెలిపారు.