Ashok Gehlot: బీజేపీ అడుగులు అటువైపే.. ఆ పార్టీని నమ్మొద్దు: బీజేపీ మిత్రపక్షాలకు అశోక్ గెహ్లాట్ హెచ్చరిక

బీజేపీ మిత్రపక్షాలకు రాజస్థాన్ ముఖ్యమంత్రి, కాంగ్రెస్ కీలకనేత అశోక్ గెహ్లాట్ హెచ్చరికలు జారీ చేశారు. దేశంలో ఏక పార్టీ పాలనను తీసుకొచ్చేందుకు బీజేపీ అడుగులు వేస్తోందని... ఈ విషయం తెలియని మిత్రపక్షాలు ఆ పార్టీని నమ్మి, మద్దతిస్తున్నాయని చెప్పారు.

బీజేపీకి ప్రజాస్వామ్యంపై గౌరవం లేదని ఆయన విమర్శించారు. చైనాలో ఉన్న విధంగా ఏక పార్టీ పాలన దిశగా వేగంగా అడుగులు వేస్తోందని చెప్పారు. ఈ విషయాన్ని బీజేపీకి మద్దతిస్తున్న ప్రతి పార్టీ గ్రహించాలని హితవు పలికారు. గతంలో పశ్చిమబెంగాల్ ముఖ్యమంత్రి మమతా బెనర్జీ కూడా ఇదే తరహా వ్యాఖ్యలు చేశారు. దేశంలో అధ్యక్ష తరహా పాలన దిశగా బీజేపీ అడుగులు వేస్తోందని ఆమె మండిపడ్డారు.