Vanisri: ఎన్టీఆర్ సెట్లో ఉండగానే వాణిశ్రీ కోపంతో షూటింగు నుంచి వెళ్లిపోయారట

సీనియర్ జర్నలిస్ట్ ఈశ్వర్ .. వాణిశ్రీగారి గురించి మాట్లాడుతూ, 'ఎదురులేని మనిషి' సినిమా షూటింగులో జరిగిన ఒక సంఘటనను గురించి ప్రస్తావించారు. "ఎన్టీఆర్ కథానాయకుడిగా బాపయ్య గారి దర్శకత్వంలో 'ఎదురులేని మనిషి' షూటింగు జరుగుతోంది. ఆ రోజున ఎన్టీఆర్ - వాణిశ్రీపై ఒక పాటను చిత్రీకరిస్తున్నారు.

కొరియోగ్రఫర్ శ్రీనివాస్ ఒక మూమెంట్ ను కంపోజ్ చేశాడు. అది కొంచెం వల్గర్ గా ఉండటంతో వాణిశ్రీ అసహనానికి లోనయ్యారు. ఆ మూమెంట్ బాగోలేదనే అభిప్రాయాన్ని ఆమె వ్యక్తం చేసినా, అక్కడి వారెవరూ సీరియస్ గా తీసుకోవడం లేదు. దాంతో తను ఈ సినిమా చేయడం లేదంటూ ఆమె అక్కడి నుంచి వెళ్లిపోయారు. సెట్లో ఎన్టీఆర్ గారు ఉన్నప్పటికీ ఆమె అలా చేయడం అందరికీ ఆశ్చర్యాన్ని కలిగించింది. ఆ తరువాత ఆ మూమెంట్ ను మార్చేసి .. వాణిశ్రీని కూల్ చేసి షూటింగును పూర్తి చేశారు" అని చెప్పుకొచ్చారు.