Hansika: సినిమా కబుర్లు.. సంక్షిప్త సమాచారం 

*  కథానాయిక హన్సిక ఈ దీపావళికి ఖరీదైన రోల్స్ రాయిస్ కారును గిఫ్టుగా అందుకుంది. విశేషం ఏమిటంటే, వాళ్ల అమ్మ మోనా ఈ కానుకను కూతురికి ఇవ్వడం జరిగింది.  

*  ప్రస్తుతం రాజమౌళి దర్శకత్వంలో 'ఆర్.ఆర్.ఆర్' చిత్రంలో నటిస్తున్న రామ్ చరణ్ తన తదుపరి చిత్ర దర్శకుడి పేరును ప్రకటించాడు. ఆ చిత్రానికి కొరటాల శివ దర్శకత్వం వహిస్తారని చరణ్ చెప్పాడు. మరోపక్క, ప్రస్తుతం చిరంజీవితో కొరటాల శివ ఓ చిత్రాన్ని రూపొందిస్తున్న సంగతి విదితమే.

*  ప్రస్తుతం రాధాకృష్ణ కుమార్ దర్శకత్వంలో ప్రభాస్ 'జాన్' చిత్రాన్ని చేస్తున్నాడు. ఇప్పటికే రెండు షెడ్యూళ్ళను పూర్తిచేసుకున్న ఈ చిత్రం తాజా షెడ్యూల్ వచ్చే నెలలో మొదలవుతుంది. ఇందుకోసం ప్రస్తుతం హైదరాబాదులో భారీ సెట్స్ వేస్తున్నారు. ఇందులో పూజా హెగ్డే హీరోయిన్ గా నటిస్తోంది.