Biggboss: బిగ్ బాస్ -3 లీక్... నేడు బయటకు వెళ్లనున్న శివజ్యోతి!

  • చివరి దశకు వచ్చేసిన సీజన్ 3
  • ఇప్పటికే ఫైనల్ బెర్త్ ఖరారు చేసుకున్న రాహుల్
  • రేసులో శ్రీముఖి, బాబా భాస్కర్, వరుణ్, అలీ రెజా

టాలీవుడ్ లో అతిపెద్ద రియాల్టీ షో బిగ్ బాస్ సీజన్ 3 చివరి దశకు వచ్చేసింది. నేటితో 14వ వారం పూర్తి కానుండగా, ఎలిమినేషన్ లో రాహుల్ మినహా ఇంట్లోని మిగతా వారంతా ఉన్నారు. వీరిలో ఒకరు బయటకు వెళ్లడం ఖాయం. ప్రతి వారమూ ఎవరు ఎలిమినేట్ అవుతారన్న విషయమై లీకులు వస్తున్నట్టుగానే, ఈ వారం కూడా ఎవరు వెళ్లిపోతారన్న విషయమై లీక్స్ వచ్చేశాయి. నేడు శివజ్యోతి బయటకు వెళ్లనున్నట్టు సోషల్ మీడియా చెబుతోంది. ఈ ఎలిమినేషన్ పూర్తయితే, బిగ్ బాస్ చివరి వారానికి వెళుతుంది. రాహుల్ ఇప్పటికే ఫైనల్ బెర్త్ ఖరారు చేసుకున్నాడు. ఇక శ్రీముఖి, బాబా భాస్కర్, వరుణ్, అలీ రెజా కూడా రేసులో ఉన్నారు. వీరిలో టాప్-3లో శ్రీముఖి, బాబా భాస్కర్, వరుణ్ ఉండవచ్చని ప్రేక్షకులు అంచనా వేస్తున్నారు. నేడు శివజ్యోతి ఎలిమినేట్ అవుతుందా? లేదా? అంటే రాత్రి ప్రసారమయ్యే ఎపిసోడ్ వరకూ వేచి చూడాల్సిందే.

More Telugu News