Vidadala Rajini: వైసీపీ ఎమ్మెల్యే రజని కాల్ రికార్డును బయటపెట్టినందుకు సస్పెండైన హెడ్మాస్టర్

చిలకలూరిపేట వైసీపీ ఎమ్మెల్యే విడదల రజని కాల్ రికార్డును బయటపెట్టిన పాఠశాల ప్రధానోపాధ్యాయురాలు సస్పెండ్ అయ్యారు. వివరాల్లోకి వెళ్తే, చిలకలూరిపేట శారదా హైస్కూల్ విద్యా కమిటీపై గత కొంత కాలంగా వివాదం నడుస్తోంది. ఈ వ్యవహారంలో జోక్యం చేసుకున్న రజని ప్రధానోపాధ్యాయురాలు ధనలక్ష్మికి ఫోన్ చేసి కమిటీని రద్దు చేయాలని ఆదేశించారు. ఈ విషయాన్ని కమిటీకి ధనలక్ష్మి తెలియజేశారు. అంతేకాకుండా, రజని తనతో మాట్లాడిన వాయిస్ రికార్డును కూడా కమిటీ ముందు వినిపించారు.

ఈ విషయం తెలుసుకున్న రజని తీవ్ర ఆగ్రహానికి గురయ్యారు. ధనలక్ష్మిపై ఆగ్రహం వ్యక్తం చేశారు. ఆమెపై విద్యాశాఖ ఉన్నతాధికారులకు ఫిర్యాదు చేశారు. ఈ నేపథ్యంలో, ధనలక్ష్మిని అధికారులు సస్పెండ్ చేశారు.