Charan Raj: తినడానికి తిండిలేక ఫుట్ పాత్ పై పడుకున్న రోజులున్నాయి: నటుడు చరణ్ రాజ్

తాజాగా 'ఆలీతో సరదాగా' కార్యక్రమంలో నటుడు చరణ్ రాజ్ మాట్లాడుతూ, కెరియర్ ఆరంభంలో తను ఎదుర్కున్న పరిస్థితులను గురించి ప్రస్తావించారు. "మొదటి నుంచి కూడా నటుడిని కావాలనే కోరిక నాలో బలంగా ఉండేది. ఆ దిశగా చాలా ఏళ్ల పాటు ప్రయత్నాలు చేశాను. తినడానికి తిండి కూడా ఉండేది కాదు .. ఫుట్ పాత్ పైనే పడుకున్న రోజులున్నాయి.

అలాంటి నేను ఆ తరువాత తెలుగు .. తమిళ .. కన్నడ సినిమాలతో బిజీ అయ్యాను. ఈ మూడు భాషల్లో తొలి అవకాశం ఇచ్చినవారి ఫొటోలకి ఉదయాన్నే నిద్రలేవగానే నమస్కరించుకుంటాను. కన్నడలో నా తొలి సినిమా 'పరాజిత' విడుదల రేపు అనగా నా దగ్గర ఒక్క పైసా లేదు. ఆ మరుసటి రోజు ఆ సినిమా విడుదల కావడం .. హిట్ టాక్ రావడంతో, నా జేబులో లక్షరూపాయలకి పైగా వున్నాయి. అలా చకచకా అడ్వాన్సులు వచ్చేశాయి" అని చెప్పుకొచ్చారు.