ఆర్థిక వృద్ధిలో తెలంగాణ రాష్ట్రం అగ్రస్థానంలో ఉంది: కేటీఆర్

18-10-2019 Fri 18:43
  • హెచ్ఐసీసీలో ఓ కార్యక్రమానికి హాజరైన కేటీఆర్
  • రాష్ట్రంలో పారిశ్రామిక అభివృద్ధి వేగంగా జరుగుతోందని వ్యాఖ్యలు
  • యువతకు పెద్ద ఎత్తున ఉపాధి అవకాశాలు కల్పిస్తున్నామని వెల్లడి

తెలంగాణ రాష్ట్రంలో పారిశ్రామికాభివృద్ధి ఎంతో వేగంగా జరుగుతోందని, ఔత్సాహిక పారిశ్రామికవేత్తలకు సహకారం అందించేందుకు ప్రభుత్వం సిద్ధంగా ఉందని ఐటీ శాఖ మంత్రి కేటీఆర్ పేర్కొన్నారు. హైదరాబాద్ లోని హెచ్ఐసీసీలో జరిగిన ఓ కార్యక్రమానికి ఆయన ముఖ్య అతిథిగా హాజరయ్యారు. ఈ సందర్భంగా మాట్లాడుతూ, ఆర్థిక వృద్ధిలో తెలంగాణ రాష్ట్రానిది అగ్రస్థానమని అన్నారు. టీఎస్ఐపాస్ ద్వారా 13 లక్షల మందికి ఉద్యోగాలు చూపించామని, యువతకు అన్ని విధాలా ఉపాధి అవకాశాలు ఇస్తున్నామని కేటీఆర్ తెలిపారు. ప్రైవేటు రంగంలోనే ఎక్కువగా ఉద్యోగ అవకాశాలు లభ్యమవుతున్నాయని చెప్పారు.