శకుని మామా! ఢిల్లీ నుండి వచ్చేటప్పుడు రెండు దోమల బ్యాట్లు కొని తెచ్చుకో: విజయసాయిపై బుద్ధా సెటైర్లు

Wed, Oct 16, 2019, 04:39 PM
  • గ్రామాల్లో పండుగ వాతావరణం నెలకొందా? 
  • తుగ్లక్ జగన్ గ్రామాల్లోకి వెళ్లడానికి ఎందుకు భయపడుతున్నారు?  
  • శకుని మామా! మీరు ఢిల్లీ దాటి ఎందుకు రావట్లేదు?
టీడీపీ అధినేత చంద్రబాబు, ఆ పార్టీ నేతలపై వైసీపీ ఎంపీ విజయసాయిరెడ్డి విమర్శలు గుప్పించిన నేపథ్యంలో టీడీపీ ఎమ్మెల్సీ బుద్ధా వెంకన్న తగు రీతిలో స్పందించారు. విజయసాయిరెడ్డిని ఎప్పటి మాదిరిగానే ‘శకుని మామా!’ అని, సీఎం జగన్ ని ‘తుగ్లక్’ అన్న వెటకారపు పిలుపులతో వరుస ట్వీట్లు చేశారు. గ్రామాల్లో పండుగ వాతావరణం నెలకొంటే తుగ్లక్ జగన్ గ్రామాల్లోకి వెళ్లడానికి ఎందుకు భయపడుతున్నారు? మీరు ఢిల్లీ దాటి ఎందుకు రావడం లేదు శకుని మామా? అని ప్రశ్నించారు. ‘ఢిల్లీ నుండి వచ్చేటప్పుడు రెండు దోమల బ్యాట్లు కొని తెచ్చుకో.. నువ్వు , తుగ్లక్ దోమలు తోలుకోడానికి పనికొస్తాయి!’ అని వ్యంగ్యాస్త్రాలు సంధించారు.

దోమలు, ఎలుకల నివారణకు అంత ఖర్చా? అని హడావిడి చేశావు కదా, ఇప్పుడు రాష్ట్రంలో డెంగ్యూ, మలేరియా, వైరల్ జ్వరాలు వచ్చి ప్రజలు ఆసుపత్రుల చుట్టూ తిరుగుతున్నారు. ఇప్పుడు కనుక ‘నువ్వు, మీ తుగ్లక్’ గ్రామాల్లోకి వెళితే ‘మీకు పండగే శకుని మామా!’ అని సెటైర్లు విసిరారు. అంగన్ వాడీ , ఆశా.. ఇలా అనేక మంది ఉద్యోగాలు తీసేసి, వైసీపీ కార్యకర్తలకు పంచేశామన్న సంతోషంలో ‘పండగ చేసుకుంటున్న నువ్వు, మీ తుగ్లక్ ఈ సమయంలో గ్రామాల్లో అడుగుపెడితే మీకు బడిత పూజ ఖాయం! కాస్త జాగ్రత్త శకుని మామా!’ అని బుద్ధా వెంకన్న చురకలంటించారు.
X

Feedback Form

I agree to Terms of Service & Privacy Policy
Do you hate Fake News, Misleading Titles, Cooked up Stories and Cheap Analyses?...
We are here for YOU: Team ap7am.com
GarudaVega Banner Ad