ap7am logo

కొనసాగుతున్న ఉపరితల ఆవర్తనం.. తెలంగాణ, ఏపీలో విస్తారంగా వర్షాలు

Sun, Sep 22, 2019, 06:31 AM
  • కోస్తాంధ్ర తీరానికి సమీపంలో ఉపరితల ఆవర్తనం
  • కోస్తాంధ్ర, రాయలసీమ ప్రాంతాల్లో వర్షాలకు అవకాశం
  • మరో 72 గంటలపాటు వర్షాలు  
పశ్చిమ మధ్య బంగాళాఖాతంలో కొనసాగుతున్న ఉపరితల ఆవర్తనం కారణంగా మరో మూడు రోజులపాటు ఏపీ, తెలంగాణలో విస్తారంగా వర్షాలు కురిసే అవకాశం ఉందని హైదరాబాద్ వాతావరణ కేంద్రం తెలిపింది. ఉత్తర కోస్తాంధ్ర తీరానికి సమీపంలో ఇది ఆవరించి ఉండడంతో కోస్తాంధ్ర, రాయలసీమ ప్రాంతాల్లో మరో 72 గంటలపాటు వర్షాలు కురిసే అవకాశం ఉందని పేర్కొంది.

ఇక, ఉపరితల ఆవర్తన ప్రభావంతో హైదరాబాద్ సహా తెలంగాణలోని పలు ప్రాంతాల్లో తేలికపాటి నుంచి ఒక మోస్తరు వర్షాలు కురిసే అవకాశం ఉందని హైదరాబాద్ వాతావరణ శాఖ అధికారులు తెలిపారు. రాయలసీమ, కోస్తాంధ్ర, యానాం ప్రాంతాల్లో తేలికపాటి నుంచి ఒక మోస్తరు వర్షాలు కురిసే అవకాశం ఉందని, కొన్ని చోట్ల మాత్రం భారీ వర్షాలకు అవకాశం ఉందని వాతావరణ శాఖ పేర్కొంది.
Do you hate Fake News, Misleading Titles, Cooked up Stories and Cheap Analyses?...
We are here for YOU: Team ap7am.com
X

Feedback Form

I agree to Terms of Service & Privacy Policy
GarudaVega Banner Ad