Tirumala: కోనేటిరాయుడుకు రూ.కోటి విరాళం.. హెచ్‌సీఎల్‌ అధినేత శివనాడార్‌ కానుక

ప్రముఖ పారిశ్రామిక వేత్త, హెచ్‌సీఎల్‌ అధినేత శివనాడార్‌ ఈరోజు తిరుమల వెంకటేశ్వర స్వామిని దర్శించుకున్న అనంతరం కోనేటిరాయుడుకు కోటి రూపాయలు విరాళంగా అందించారు. స్వామిని దర్శించుకున్న అనంతరం రంగనాయకుల మండపానికి చేరుకున్న శివనాడార్‌ శ్రీవారి ట్రస్ట్‌ బోర్డుకు ఈ విరాళం చెక్కును అందజేశారు. ఈ సందర్భంగా వేదపండితులు వేదాశీర్వచనం పలికి శేషవస్త్రంతో నాడార్‌ను సత్కరించారు. అనంతరం స్వామివారి తీర్థప్రసాదాలను అందజేశారు.