Allu Arjun: అల్లు అర్జున్ కోసం స్క్రిప్ట్ పూర్తిచేసిన సుకుమార్

అల్లు అర్జున్ ప్రస్తుతం త్రివిక్రమ్ దర్శకత్వంలో 'అల .. వైకుంఠపురములో' సినిమా చేస్తున్నాడు. సంక్రాంతికి ఈ సినిమాను విడుదల చేయనున్నారు. ఈ సినిమా తరువాత సుకుమార్ తో కలిసి అల్లు అర్జున్ సెట్స్ పైకి వెళ్లనున్నాడు. స్మగ్లింగ్ నేపథ్యంలో సుకుమార్ ఒక కథను సిద్ధం చేశాడు. ఈ కథలో కొన్ని మార్పులు చేసిన అనంతరం అల్లు అర్జున్ గ్రీన్ సిగ్నల్ ఇచ్చాడు.

అయితే ఆ తరువాత మనసు మార్చుకున్నట్టు సమాచారం. గతంలో తమ కాంబినేషన్లో 'ఆర్య'.. 'ఆర్య 2' వంటి ప్రేమకథా చిత్రాలే వచ్చాయి గనుక, ఆ తరహా సినిమానే చేద్దామని అల్లు అర్జున్ చెప్పాడట. దాంతో సుకుమార్ అల్లు అర్జున్ కోసం మరో లైన్ ను వినిపించడం .. ఆయన గ్రీన్ సిగ్నల్ ఇవ్వడం జరిగిపోయిందట. తాజాగా స్క్రిప్ట్ వర్కును పూర్తిచేసిన సుకుమార్, మిగతా విషయాలపై దృష్టిపెట్టాడని అంటున్నారు.