China: చైనా కీలక నిర్ణయం.. పాకిస్థాన్ లో బిలియన్ డాలర్లు పెట్టుబడి పెట్టాలని నిర్ణయం

ఉగ్రవాదాన్ని నియంత్రించాలంటూ ప్రపంచ దేశాలన్నీ పాకిస్థాన్ పై ఒత్తిడి పెంచుతున్నాయి. ఈ నేపథ్యంలో, ఒక రకంగా చెప్పాలంటే పాకిస్థాన్ ఏకాకిగా మిగిలిపోయింది. తన వ్యాపార కార్యకలాపాలను దృష్టిలో ఉంచుకుని చైనా మాత్రమే పాకిస్థాన్ కు అండగా ఉంటోంది. ఈ క్రమంలో తాజాగా చైనా మరో కీలక నిర్ణయం తీసుకుంది. పాకిస్థాన్ సంక్షేమ ప్రాజెక్టుల్లో ఒక బిలియన్ డాలర్ల పెట్టుబడులు పెడుతున్నట్టు ప్రకటించింది. చైనా-పాకిస్థాన్ ఎకనామిక్ కారిడార్ సంతృప్తికరంగా ఉన్న నేపథ్యంలో, మరిన్ని పెట్టుబడులు పెట్టబోతున్నామని చైనా రాయబారి యవో జింగ్ తెలిపారు. పాక్ లో ఉన్న వ్యాపార అవకాశాలపై అవగాహన కల్పించేందుకు పాక్ మహిళా వ్యాపారవేత్తలకు చైనాలో వర్క్ షాప్ లను నిర్వహించబోతున్నట్టు చెప్పారు.