Rafele Nadal: 19వ గ్రాండ్ స్లామ్... యూఎస్ ఓపెన్ గెలిచిన రఫెల్ నాదల్!

స్పెయిన్ బుల్ రఫెల్ నాదల్, తన కెరీర్ లో 19వ గ్రాండ్ స్లామ్ టైటిల్ ను అందుకున్నాడు. యూఎస్ ఓపెన్ లో భాగంగా జరిగిన ఫైనల్ పోరులో రష్యాకు చెందిన డానియల్ మెద్వెద్వెవ్ ను 7-5, 6-3, 5-7, 4-6, 6-4 తేడాతో ఓడించాడు. ఐదు సెట్ల పాటు సుదీర్ఘంగా సాగిన ఈ పోరులో తొలి రెండు సెట్లనూ నాదల్ గెలుచుకోగా, మూడు, నాలుగు సెట్లలో మెద్వెద్వెవ్ సత్తా చాటాడు. ఇక నిర్ణయాత్మక ఐదో సెట్ లో నాదల్ రెచ్చిపోయి ఆడి, విజయాన్ని సొంతం చేసుకున్నాడు. ఇక, పురుషుల సింగిల్స్ విభాగంలో అత్యధిక గ్రాండ్ స్లామ్ టైటిల్స్ రికార్డు రోజర్ ఫెదరర్ (20) పేరిట ఉండగా, దానికి ఒక్క అడుగు దూరంలో నాదల్ నిలిచాడు.