Sahoo: 'సాహో' లీక్స్... ఈ ఐదు సీన్స్ హైలైట్ అట!

హై బడ్జెట్ మూవీగా, ప్రభాస్, శ్రద్ధాకపూర్ లు జంటగా నటిస్తున్న 'సాహో' ఎల్లుండి థియేటర్లను తాకనుంది. ఇక ఈ సినిమా సెన్సార్ ప్రపంచవ్యాప్తంగా ఎన్నో దేశాల్లో పూర్తి కాగా, పలువురు చిత్రంలోని సీన్ల గురించి లీకులు ఇస్తున్నారు. ఈ సినిమాలో ఐదు సీన్స్ హైలైట్ అంటున్నారు. వీటిల్లో ప్రభాస్ ఇంట్రడక్షన్ సీన్ ఒకటి. ఫ్యాన్స్ గూస్ బంప్స్ అయ్యేలా ఈ సీన్ ఉంటుందని సమాచారం. ఇంటర్నేషనల్ యాక్షన్ డైరెక్టర్ పెంగ్ జాంగ్ దీన్ని డైరెక్ట్ చేయగా, ఈ సీన్ కోసం ప్రభాస్ మూడు వారాల పాటు ప్రత్యేక శిక్షణ తీసుకున్నాడట.

ఇక రెండో సీన్ విషయానికి వస్తే, గన్ ఫైట్. దీన్ని బాబ్ బ్రాన్ డైరెక్ట్ చేశాడు. డ్యాన్స్ నంబర్ లా ఉండే ఈ ఫైట్ ఇండియన్ స్క్రీన్ పై ఇంతవరకూ రాలేదట. దీని తరువాతి హైలైట్ కార్ ఛేజ్. ఈ సీన్స్ ను మరో ఇంటర్నేషనల్ డైరెక్టర్ కెన్నీ బ్యాట్స్ డైరెక్ట్ చేశారు. దీన్ని మూడు వారాల పాటు అబూదాబీలో షూట్ చేశారు.

నాలుగో హైలైట్ విషయానికి వస్తే ఇది జెట్ మ్యాన్ సీన్. ఈ సీన్ ను 'బాహుబలి' షూటింగ్ పూర్తికాకుండానే తీశారు. 'బాహుబలి-2' ప్రీ రిలీజ్ లో విడుదల చేసిన టీజర్ లోనే చూపించారు. ఈ సీన్స్ ఇటలీలో షూట్ చేశారు. జెట్ సూట్ వేసుకుని ప్రభాస్ గాల్లో తేలిపోతూ అద్భుతంగా నటించారట.

ఇక ఐదో హైలైట్ క్లయిమాక్స్. ఈ సీన్స్ కూడా పెగ్ జాంగ్ సాయంతో యూరప్ లో తీశారట. హీరోయిజం పీక్స్ లో ఉండి, అభిమానులను అలరించేలా చిత్రం ముగింపు ఉంటుందట. ఇక ఈ సీన్స్ రియల్ గా ఫ్యాన్స్ ను ఎలా అలరిస్తాయో తెలియాలంటే, మరో 48 గంటలు ఆగక తప్పదు.