Keerthi Suresh: కీర్తి సురేశ్ సినిమాకి టైటిల్ ఖరారు

కీర్తి సురేశ్ తెలుగులో 'మహానటి' సినిమాతో ప్రేక్షకుల హృదయాలను కొల్లగొట్టేసింది. ఆమె తదుపరి సినిమా కోసం అభిమానులంతా వేయికళ్లతో ఎదురుచూస్తున్నారు. తన తదుపరి సినిమాగా నాయికా ప్రాధాన్యత కలిగిన కథనే ఆమె ఎంచుకుంది. నరేంద్రనాథ్ దర్శకత్వం వహిస్తోన్న ఈ సినిమా, ఇప్పటికే చాలా వరకూ చిత్రీకరణను జరుపుకుంది.

తాజాగా ఈ సినిమాకి టైటిల్ ను ఖరారు చేశారు. 'మిస్ ఇండియా' అనే టైటిల్ ను ఖరారు చేసినట్టుగా అధికారికంగా ప్రకటిస్తూ, టైటిల్ రివీల్ టీజర్ ను వదిలారు. ఈ సినిమాకి తమన్ సంగీతాన్ని అందిస్తున్నాడు. త్వరలోనే విడుదల తేదీని ప్రకటించనున్నారు. ఈ లేడీ ఓరియెంటెడ్ మూవీ కీర్తి సురేశ్ స్థాయిని మరింతగా పెంచేదిలా ఉంటుందని అంటున్నారు.