Narendra Modi: 7న జాతిని ఉద్దేశించి ప్రసంగించనున్న ప్రధాని మోదీ!

జమ్మూ కశ్మీర్ కు ప్రత్యేక అధికారాలను కట్టబట్టే ఆర్టికల్ 370ని రద్దు చేస్తూ, రాష్ట్రపతి సంతకం పెట్టిన వేళ, ప్రధాని నరేంద్ర మోదీ కీలక నిర్ణయాన్ని తీసుకున్నారు. 7వ తేదీ, బుధవారం నాడు జాతిని ఉద్దేశించి మోదీ ప్రసంగించనున్నారు. ఈ ప్రసంగంలో ఆర్టికల్ రద్దుకు దారితీసిన పూర్వపరాలను, ప్రభుత్వం తీసుకోనున్న తదుపరి నిర్ణయాలపై ఆయన వెల్లడిస్తారని సమాచారం. ఇదే సమయంలో బుధవారం నాడు అఖిలపక్ష భేటీకి కూడా ప్రధాని కార్యాలయం పిలుపునిచ్చింది. ఈ నేపథ్యంలో 7వ తేదీ ప్రసంగంలో ప్రధాని నరేంద్ర మోదీ నోటివెంట ఎటువంటి అనూహ్య నిర్ణయాలు వెలువడాల్సి వస్తుందోనన్న ఉత్కంఠ మొదలైంది.