సర్వం భారతీయం... చంద్రయాన్-2పై ప్రధాని మోదీ వ్యాఖ్యలు

- కొనసాగుతున్న చంద్రయాన్-2
- దేశీయ పరిజ్ఞానంతో రూపొందించడంపై మోదీ హర్షం
- భారత శాస్త్రవేత్తల శక్తిసామర్ధ్యాలకు గీటురాయి అంటూ కితాబు
దీంట్లో చంద్రుడి అణువణువును పరిశోధించేందుకు ఆర్బిటర్ ఉందని, చంద్రుడి ఉపరితలాన్ని నిశితంగా విశ్లేషించేందుకు ల్యాండర్ రోవర్ మాడ్యూల్ ఉందని ప్రధాని వివరించారు. భారత శాస్త్రవేత్తల శక్తిసామర్థ్యాలకు చంద్రయాన్-2 ప్రాజక్టు ఓ గీటురాయిలా నిలుస్తుందని, శాస్త్ర సాంకేతిక రంగంలో కొత్త ద్వారాలు తెరిచేక్రమంలో 130 కోట్ల మంది భారతీయుల దృఢసంకల్పానికి ఇది ప్రతీక అని మోదీ కొనియాడారు. చంద్రయాన్-2 ప్రయోగం యువమేధావులను సైన్స్, అత్యున్నత పరిశోధనలు, ఆవిష్కరణల రంగం దిశగా ప్రోత్సహిస్తుందని పేర్కొన్నారు.