Samantha: సినిమా కబుర్లు.. సంక్షిప్త సమాచారం

*  ఇప్పుడు చాలా మంది తారలు వెబ్ సీరీస్ వైపు కూడా దృష్టి సారిస్తున్నారు. ఈ కోవలోకి అందాలతార సమంత కూడా చేరనుంది. అమెజాన్ ప్రైమ్ భారీ ఎత్తున నిర్మించే ఓ వెబ్ సీరీస్ కోసం ఈ ముద్దుగుమ్మను అడుగుతున్నట్టు సమాచారం. ఈ భారీ ప్రాజక్టు పట్ల తను కూడా ఆసక్తి చూపుతోందట.
*  'ఈగ' ఫేం సుదీప్ హీరోగా కన్నడలో రూపొందుతున్న 'పహల్వాన్' చిత్రం తెలుగులోకి అనువాదమవుతోంది. వారాహి చలన చిత్ర సంస్థ దీనిని అదే పేరుతో తెలుగులో విడుదల చేయడానికి ఏర్పాట్లు చేసుకుంటోంది.
*  నందిని రెడ్డి దర్శకత్వంలో సమంత ప్రధాన పాత్రధారిగా తాజాగా వచ్చిన 'ఓ బేబీ' చిత్రం మంచి విజయం సాధించడంతో దీనిని హిందీలో రీమేక్ చేయడానికి సన్నాహాలు జరుగుతున్నాయి. సమంత పాత్ర కోసం బాలీవుడ్ నటి అలియా భట్ ను సంప్రదిస్తున్నట్టు తెలుస్తోంది.