Anantapur District: రాయదుర్గం మార్కెట్ యార్డ్ వద్ద విషాద ఘటన

అనంతపురం జిల్లా రాయదుర్గం మార్కెట్ యార్డులో విషాద ఘటన చోటుచేసుకుంది. వేరుశనగ విత్తనాల కోసం వచ్చిన ఓ రైతు ప్రాణాలు వదిలాడు. రాయదుర్గం మండలం వేపరాళ్లకు చెందిన ఈశ్వరప్ప విత్తనాల కోసం ఉదయం నుంచి క్యూలో నిల్చుని ఉన్నాడు. తీవ్ర అస్వస్థతకు గురికావడంతో కుప్పకూలిపోయాడు. ఆసుపత్రికి తరలించినా ప్రయోజనం దక్కలేదు. చికిత్స పొందుతూ ఈశ్వరప్ప మృతి చెందాడు.