bellamkonda: 'రాక్షసుడు' విడుదల తేదీ ఖరారు

బెల్లంకొండ శ్రీనివాస్ కథానాయకుడిగా 'రాక్షసుడు' నిర్మితమైంది. రమేశ్ వర్మ దర్శకత్వం వహించిన ఈ సినిమాలో, శ్రీనివాస్ జోడీగా అనుపమ పరమేశ్వరన్ నటించింది. తాజాగా ఈ సినిమాకి విడుదల తేదీని ఖరారు చేశారు. ఆగస్టు 2వ తేదీన ఈ సినిమాను విడుదల చేయనున్నట్టు ప్రకటిస్తూ ఒక స్పెషల్ పోస్టర్ వదిలారు.

కోనేరు సత్యనారాయణ నిర్మించిన ఈ సినిమాకి జిబ్రాన్ సంగీతాన్ని సమకూర్చారు. క్రితం ఏడాది తమిళంలో వచ్చిన 'రాచ్చసన్' సినిమాకి ఇది రీమేక్. విష్ణు విశాల్ - అమలా పాల్ జంటగా నటించిన ఆ సినిమా అక్కడ భారీ విజయాన్ని సొంతం చేసుకుంది. ఇక తెలుగులో ఈ సినిమా ఎలాంటి ఫలితాన్ని రాబడుతుందో చూడాలి.