ap7am logo

విడుదల ఖైదీల కోసం తెలంగాణ జైళ్ల విభాగం ఉద్యోగ మేళా.. 81 మందికి ఉద్యోగాలు

Sun, Jun 23, 2019, 09:28 AM
  • 129 మంది విడుదల ఖైదీల్లో 81 మంది జాబ్
  • ఉద్యోగ మేళాలో పాల్గొన్న పది సంస్థలు
  • ఎంపిక కాని వారికి కూడా ఉద్యోగాలు కల్పిస్తామన్న జైలర్
తెలంగాణ జైళ్ల శాఖ శనివారం నిర్వహించిన ఉద్యోగ మేళాలో 81 మంది విడుదల ఖైదీలకు ఉద్యోగాలొచ్చాయి. ఈ జాబ్ ఫస్ట్‌లో మొత్తం 129 మంది పాల్గొనగా 81 మంది ఉద్యోగాలు సాధించారు. మొత్తం  పది కన్సల్టెన్సీ సంస్థలు ఈ మేళాలో పాల్గొన్నాయి. ఇంటర్వ్యూ అనంతరం 81 మందిని ఎంపిక చేశాయి.

ఈ సందర్భంగా ఎంప్లాయిమెంట్ సెల్ ఇన్‌చార్జ్, జైలర్ అయిన శ్రీమాన్ రెడ్డి మాట్లాడుతూ.. జైళ్ల శాఖ ఆధ్వర్యంలో ఉద్యోగ మేళా నిర్వహించడం ఇది ఐదోసారన్నారు. తెలంగాణ వ్యాప్తంగా ఇటీవల పలువురు ఖైదీలు విడుదలయ్యారని, వారందరికీ ఉద్యోగం తక్షణ అవసరం కావడంతో ఈ మేళాను నిర్వహించినట్టు తెలిపారు. మొత్తం 10 సంస్థలు ఈ మేళాలో పాల్గొన్నాయని, 129 మందిలో 81 మందిని ఎంపిక చేసుకున్నాయని పేర్కొన్నారు. కాగా, మిగిలిన వారికి కూడా వివిధ కంపెనీల్లో ఉద్యోగావకాశాలు కల్పించేందుకు ప్రయత్నిస్తున్నట్టు వివరించారు.

రెండేళ్ల క్రితం మహబూబ్‌నగర్‌లో తొలిసారి విడుదల ఖైదీల కోసం జాబ్ ఫెస్ట్ నిర్వహించినట్టు జైలర్ తెలిపారు. అక్కడ 175 మందికి ఉద్యోగావకాశాలు కల్పించినట్టు పేర్కొన్నారు. రెండోసారి కరీంనగర్‌లో నిర్వహించి 102 మందికి, మూడోసారి హైదరాబాద్‌లో, నాలుగోసారి హైదరాబాద్‌లో నిర్వహించినట్టు తెలిపారు.

శిక్షతో మారిన మనుషులైన విడుదల ఖైదీలకు ఉద్యోగాలు ఇచ్చి ఆదుకుంటున్నందుకు ఆనందంగా ఉందని టీటీ హబ్ మేనేజ్‌మెంట్ సర్వీసెస్ లిమిటెడ్ ఫౌండర్, డైరెక్టర్ ఛక్రధర్ పేర్కొన్నారు. తమకు ఉద్యోగాలు లభించినందుకు విడుదలైన ఖైదీలు సంతోషం వ్యక్తం చేశారు.
Do you hate Fake News, Misleading Titles, Cooked up Stories and Cheap Analyses?...
We are here for YOU: Team ap7am.com
X

Feedback Form

I agree to Terms of Service & Privacy Policy
GarudaVega Banner Ad