Imran Khan: ఇమ్రాన్ ఖాన్ అంటూ సచిన్ ఫొటో... నవ్వులపాలైన పాక్ ప్రధాని అసిస్టెంట్
- ఇమ్రాన్ కు సహాయకుడిగా ఉన్న నయీముల్ హక్
- ట్విట్టర్ ఖాతాలో సచిన్ ఫొటోను పెట్టి ఇమ్రాన్ అని వ్యాఖ్య
- వెల్లువెత్తిన విమర్శల వర్షం
పాకిస్థాన్ ప్రధాని ఇమ్రాన్ ఖాన్ అసిస్టెంట్ నయీముల్ హక్ చేసిన ఓ తప్పు, ఇప్పుడు నెట్టింట వైరల్ అవుతుండగా, పలువురు ట్రోల్ చేస్తున్నారు. తన ట్విట్టర్ ఖాతాలో ఓ ఫొటోను పోస్ట్ చేసిన ఆయన, "1969లో ప్రధాని ఇమ్రాన్ ఖాన్" ఇలా ఉన్నారు అని అన్నారు. ఇది వైరల్ కాగా, ఆయనపై విమర్శల వర్షం కురిసింది. ఎందుకంటే, ఆ ఫొటోలో ఉన్నది సచిన్ టెండూల్కర్. దీంతో నయీముల్ హక్ నవ్వుల పాలయ్యాడు. క్రికెట్ దేవుడిగా భావించే సచిన్ టెందూల్కర్‌ తొలి నాళ్లలో క్రికెట్ ఆడుతున్న సమయంలో తీసిన ఫొటో ఇది. ఈ ట్వీట్‌ పై కామెంట్ల వర్షమే కురిసింది. ఓ యూజర్‌ దీనిని రీట్వీట్ చేస్తూ, హైదరాబాద్‌ ఎంపీ అసదుద్దీన్‌ ఓవైసీ పొటో పోస్ట్ చేసి, "పాకిస్థాన్ క్రికెటర్‌ సయ్యద్‌ అన్వర్‌" అని వ్యంగ్యంగా క్యాప్షన్‌ పెట్టడంతో అది కూడా వైరల్ అయింది.
