maruthi: మారుతి ఆ నిర్ణయానికి వచ్చేశాడట!
తెలుగులో యూత్ కి నచ్చే సినిమాలతో మంచి గుర్తింపు తెచ్చుకున్న దర్శకుడిగా మారుతి కనిపిస్తాడు. ఆ తరువాత ఫ్యామిలీ ఎంటర్టైనర్ నేపథ్యంలో సాగే కథలను ఎంచుకుని ఫ్యామిలీ ఆడియన్స్ ను థియేటర్స్ కి రప్పించగలిగాడు. 'భలే భలే మగాడివోయ్' .. 'మహానుభావుడు' సినిమాలు ఆయనకి భారీ విజయాలను అందించాయి.
ఆ తరువాత మారుతి ఇతర సినిమాలకి కథలను అందిస్తూ వచ్చాడు. కొన్ని సినిమాలకి సమర్పకుడిగాను వ్యవహరించాడు. అయితే ఆ సినిమాలేవీ అంతగా ఆడలేదు. ఆయన ఈ వ్యవహారాలపై దృష్టి పెట్టడం వలన 'శైలజా రెడ్డి అల్లుడు' ఆశించిన ఫలితాన్ని అందించకుండానే పోయింది. అందువల్లనే ఇక ఇతర వ్యవహారాలు పక్కన పెట్టేసి, దర్శకత్వంపై మాత్రమే దృష్టిపెట్టాలనే నిర్ణయానికి ఆయన వచ్చాడని చెప్పుకుంటున్నారు.
