balakrishna: బాలకృష్ణ కొత్త సినిమా టైటిల్ ఇదేనట

బాలకృష్ణ తదుపరి సినిమాకి కేఎస్ రవికుమార్ దర్శకత్వం వహించనున్నాడు. ప్రస్తుతం ఈ ప్రాజెక్టును సెట్స్ పైకి తీసుకెళ్లే దిశగా సన్నాహాలు జరుగుతున్నాయి. ఈ సినిమాకి 'రూలర్' అనే టైటిల్ ను ఖరారు చేసే అవకాశాలు వున్నట్టుగా వార్తలు వచ్చాయి. కానీ ఈ టైటిల్ విషయంలో బాలకృష్ణ అభిమానులు అసంతృప్తిని వ్యక్తం చేశారట.

అందువలన 'క్రాంతి' అనే టైటిల్ వైపు బాలకృష్ణ మొగ్గుచూపుతున్నట్టుగా వార్తలు వస్తున్నాయి. దాదాపు ఈ టైటిల్ ఖాయమైపోయినట్టేనని అంటున్నారు. ఈ సినిమాలో పోలీస్ ఆఫీసర్ గా బాలకృష్ణ కనిపించనున్నాడని చెబుతున్నారు. ఆయన పాత్ర .. 'టెంపర్' లో ఎన్టీఆర్ పాత్ర తరహాలో ఉంటుందనే టాక్ ఫిల్మ్ నగర్లో వినిపిస్తోంది. ప్రస్తుతం కథానాయికల ఎంపిక ప్రక్రియ కొనసాగుతోంది. త్వరలో మిగతా వివరాలు తెలియనున్నాయి