Mahesh Babu: వంశీ బుగ్గపై ముద్దిచ్చిన మహేశ్... వైరల్ అవుతున్న చిత్రం!

అందరూ ఊహించినట్టుగానే మహేశ్ బాబు తాజా చిత్రం 'మహర్షి' సూపర్ హిట్ కావడంతో సంబరాలు చేసుకుంటున్న టాలీవుడ్ ప్రిన్స్, తనకు ఇంతటి హిట్ ను ఇచ్చిన దర్శకుడు వంశీ పైడిపల్లి బుగ్గపై ముద్దివ్వగా, ఆ ఫోటో ఇప్పుడు సామాజిక మాధ్యమాల్లో తెగ వైరల్ అవుతోంది. ఇక మహేశ్ తనకు ముద్దు పెడుతుండగా, సెల్ఫీ తీసుకున్న వంశీ, దీనికి "ఇదే నా జీవితంలో బెస్ట్‌ మూమెంట్‌. ఇంతకంటే ఇంకేం అడగగలను" అని క్యాప్షన్‌ పెట్టాడు. ఇక ఈ సినిమాలో చూపిన 'వీకెండ్‌ వ్యవసాయం' కాన్సెప్ట్‌ ఎంతో మందిని ఆ దిశగా నడిపిస్తుండగా, యువత, ముఖ్యంగా సాఫ్ట్ వేర్ ఇంజనీర్లు వారాంతంలో వ్యవసాయ పనుల్లో నిమగ్నమై, ఆ చిత్రాలను సోషల్ మీడియాలో పోస్ట్ చేసి మిత్రులతో పంచుకుంటున్నారు.