raghavendra rao: 'అన్నమయ్య' ప్రివ్యూ చూసి అంతా ఏడ్చేశారు: దర్శకుడు రాఘవేంద్రరావు

రాఘవేంద్రరావు దర్శకత్వం వహించిన భక్తి చిత్రాలలో 'అన్నమయ్య' ముందువరుసలో కనిపిస్తుంది. తాజా ఇంటర్వూలో ఆయన మాట్లాడుతూ, "భక్తి చిత్రాలే అయినా అవి అవార్డు సినిమాలుగా వుండాలని నేను అనుకోను. నిర్మాతలు నష్టపోకూడదనే ఉద్దేశంతోనే సినిమాలు చేస్తాను. అందుకే నా సినిమాల్లో కమర్షియల్ అంశాలు మిస్ కాకుండా చూసుకుంటాను.

'అన్నమయ్య' సినిమాను తీసేటప్పుడు .. 'ఈ టైములో భక్తి సినిమా ఎందుకండీ .. వున్న ఇమేజ్ పోతుందేమో' అని రమ్యకృష్ణ అంది. ఈ సినిమా ప్రివ్యూకి చాలామందిని పిలిచాము. ప్రివ్యూ చూసిన తరువాత .. అందరూ నా దగ్గరికి వరుసగా వచ్చి గట్టిగా కౌగలించుకుని ఏడ్చారు. క్లైమాక్స్ చూసిన తరువాత థియేటర్లో ఎలాంటి రెస్పాన్స్ చూడాలని నేను షూటింగు రోజున అనుకున్నానో, అలాంటి రెస్పాన్స్ ను ప్రివ్యూ రోజునే చూసినందుకు ఆనందం వేసింది" అని చెప్పుకొచ్చారు.