Telangana: హైదరాబాద్ ట్రాఫిక్ పోలీసుల అత్యుత్సాహం.. ఫిట్స్ తో రోడ్డుపై పడిపోయిన బైక్ రైడర్!

  హైదరాబాద్ లోని ట్రాఫిక్ పోలీసులు ఈరోజు అత్యుత్సాహం ప్రదర్శించారు. రోడ్డుపై వెళుతున్న వాహనాలను ఒక్కసారిగా ఆపేస్తూ వాహనదారులను ఇబ్బంది పెట్టారు. నగరంలోని పంజాగుట్ట సెంటర్ వద్ద తనిఖీల్లో భాగంగా బైక్ పై వెళుతున్న వ్యక్తిని ఓ కానిస్టేబుల్ అనూహ్యంగా అడ్డుకున్నాడు.

దీంతో ఒక్కసారిగా ఆందోళనకు లోనైన సదరు ప్రయాణికుడు ఫిట్స్ వచ్చి రోడ్డుపై పడిపోయాడు. దీంతో ఆయనకు స్వల్ప గాయాలు అయ్యాయి.  ఈ ఘటనలో గాయపడ్డ ప్రయాణికుడిని స్థానికులు, పోలీసులు ఆసుపత్రికి తరలించారు. కాగా, ట్రాఫిక్ పోలీసుల తీరుపై అన్నివర్గాల నుంచి ఆగ్రహం వ్యక్తమవుతోంది. ఈ వ్యవహారంపై ట్రాఫిక్ పోలీస్ ఉన్నతాధికారులు ఇంతవరకూ స్పందించలేదు.