Odisha: ఒడిశాపై ‘ఫణి’ పడగ.. సహాయ సామగ్రిని ఉచితంగా తరలిస్తామన్న ఎయిర్ఇండియా!

పెను తుపాను ‘ఫణి’ ఒడిశాపై విరుచుకుపడ్డ సంగతి తెలిసిందే. తుపాను తీవ్రతకు పలుచోట్ల చెట్లు, విద్యుత్ సంస్థలు నేలకొరగగా, విమాన, రైలు సర్వీసులు నిలిచిపోయాయి. చాలాచోట్ల ప్రజలు నిత్యావసరాలు అందక తీవ్ర ఇబ్బంది పడుతున్నారు. ఈ నేపథ్యంలో ప్రభుత్వ రంగ విమానయాన సంస్థ ‘ఎయిర్ ఇండియా’ కీలకమైన నిర్ణయం తీసుకుంది.

ఒడిశాలో ఫణి బాధితులకు సహాయ-పునరావాస సామగ్రిని తమ విమానాల్లో ఉచితంగా తీసుకొస్తామని ప్రకటించింది. ఢిల్లీలోని స్వచ్ఛంద సంస్థలు, ప్రజా సంఘాలు అందించే సహాయ సామగ్రిని ఉచితంగా ఒడిశాకు తీసుకెళతామని చెప్పింది. సామాజిక బాధ్యతగా ఈ నిర్ణయం తీసుకున్నట్లు ఎయిర్ ఇండియా ఉన్నతాధికారి ఒకరు తెలిపారు. కాగా, ఎయిర్ ఇండియా తీసుకున్న నిర్ణయాన్ని పలువురు నెటిజన్లు ప్రశంసిస్తున్నారు.