Ketamine: మందుల తయారీలో దారుణం.. హైదరాబాద్ ల్యాబ్ గుట్టు రట్టు!

మందుల తయారీలో కెటమైన్ అనే డ్రగ్‌ను వాడుతున్న హైదరాబాద్ కు చెందిన ఓ ల్యాబ్‌ను నేడు అధికారులు సీజ్ చేశారు. బెంగుళూరులో అరెస్టయిన ఇద్దరు వ్యక్తులు ఇచ్చిన కీలక సమాచారంతో నాచారంలోని ‘ఇంతం’ ల్యాబ్‌లో డ్రగ్ కంట్రోల్ బోర్డు సోదాలు నిర్వహించడంతో ఈ దారుణం వెలుగు చూసింది. దీంతో ఈ ల్యాబ్, డ్రగ్‌కు సంబంధించిన ఎన్నో విషయాలు వెలుగులోకి వచ్చాయి.

మందుల తయారీలో కెటమైన్ అనే డ్రగ్ వాడటమే కాకుండా, వాటితో మహిళలపై ప్రయోగాలు నిర్వహిస్తున్నారని విచారణలో స్పష్టమైంది. ఈ డ్రగ్ తీసుకున్న వ్యక్తిలో సెక్స్ హార్మోన్లు పెరిగి, మృగంలా మారతాడని అధికారులు వెల్లడించారు. దీంతో పాటు ఈ డ్రగ్‌ను తీసుకున్న వ్యక్తి దాదాపు ఐదు గంటల పాటు అపస్మారక స్థితిలోనే ఉంటాడని అధికారులు వెల్లడించారు. అధికారులు ల్యాబ్‌ను సీజ్ చేసి, దాని యజమాని వెంకటేశ్‌ను అదుపులోకి తీసుకుని విచారిస్తున్నారు.